Лупење и испукување на кожата по нанесување на СПФ – како да го спречиме?!

Знаејќи дека е најважен производ во секоја рутина, некогаш знае да биде навистина иритрачко чувството кога сме избрале СПФ фактор кој не одговара на нашата кожа или пак не го постигнува ефектот кој сме го очекувале што лесно може да не наведе на прескокнување на најважниот чекор! Најголемиот проблем со кој се соочуваме при нанесување на одредени производи, посебно СПФ е лупењето и испукувањето - односно производот нецелосно се апсорбирал во кожата што доведува до перутење и лесно видливи “испкукнатини” на површината на кожата. Оваа ситуација може да е предизвикана од многу фактори започнувајќи од составот на производот, до начинот на кој се нанесуваат производите и на кој се припрема кожата пред да се нанесе заштитниот фактор. Едноставно некоја кожа е посклона на перутење од друга, но најчесто перутењето е предизвикано од производи кои се на база на силикони. Проучувањето на листата со состојки знае да биде напорно, но е најдобриот начин за да знаете што на вашата кожа и одговара а што не. Доколку користите потешка крема или масло под заштитниот фактор, обрнете внимание дали производите имаат силикони во својот состав. Перутењето може да биде предизвикано исто така и доколку вашата кожа едноставно не е подготвена да ги апсорбира производите кои ги користите! Од клучно значење се двојното листење кое е база за максимална апсорбција на останатите производи од вашата рутина, а ексфолијацијата 1 до 2 пати неделно е задолжителна со цел да се отсранат мртвите клетки од побршината на кожата и да се овозможи проодност на состојките од останатите производи. Исто така, потребно е да се обрне внимание на количината која ја нанесувате од одреден производи, на пр.преголема количина на крема нема да се апсорбира целосно и ќе предизвика понатамошно лупење. Пред да се откажете од производот кој само што го купивте и бевте превозбудени за истиот, дајте му шанса! Тестирајте еден временски период дали можеби нанесувањето на одредена крема пред СПФ е тоа кое ја предизвикува ситуацијата, или можеби пудрата која ја нанесувате дополнително! Можеби некогаш е потребно подолго време за да го најдете производот кој одговара на вашата кожа, но не дозволувајте тоа да е причината заради која ќе го прескокнувате најважниот чекор од рутината - СПФ!