Yeppeuda

Регистрирај се и добиј 10% попуст на првата нарачка!

Пребарај

Профил

Кошничка

База за здраво и блескаво лице, е правилно исчистено лице!

Рутината секогаш се започнува со прв чекор, ЧИСТЕЊЕТО НА ЛИЦЕТО! Како вие го чистите вашето лице? Дали се будите наутро со црно под очите од маскарата што не се исчистила целосно? Дали кожата ви е рапава или ја чувствувате затегнато?

Секој сака совршена и здрава кожа, но за голем дел од нас е потребно време, посветеност, трпение и знаење како до истата. Секако, генетиката игра огромна улога, и токму од таа причина не треба воопшто да ни е чудно кога некој има совршено здрав изглед на својата кожа без никакви напори. Но, негата према себе и правилното одржување на здравјето на кожата се од есенцијално значење. Не е потребно да се има конкретен проблем, и на здравата кожа и е потребно внимание! Проблемот е ефективно решен кога е пронајден неговиот корен, па затоа да почнеме од првиот чекор во секоја рутина и кои се најчестите грешки што ги правиме!

Грешки кои ги правиме при чистење на лицето

Го плакнеш со топла вода? Можеби чувството е убаво, но температурата на водата не смее да биде висока. Топлата вода предизвикува дехидратација на кожата, а кај сензитивната кожа најчесто предизвикува црвенило и иритација. За почеток - променете го начинот на миење на лицето со вода со собна температура! Користиш влажни марамици за чистење на лицето? - Можеби и една од најголемите и најчестите грешки во правилно чистење на лицето! Влажна марамица за чистење на кожата на лицето треба да е ЗАБРАНЕТО со ЗАКОН! Марамиците честопати содржат состојки кои се преагресивни за кожата на лицето, ја дехидрираат и оштетуваат нејзината бариера! Користите погрешен чистач за лице?! Секогаш користете чистач кој е наменет за типот на вашата кожа и за вашата возраст! - Најчеста грешка е миење на лицето со производ кој не е за таква намена - на пр. сапун или гел за тело! Кожата на лицето е многу понсензитивна , а сапуните за тело го нарушуваат нејзиниот баланс - исто така, немаат доволна моќ за чистење на нечистотијата од порите на лицето - напротив, ги затнуваат истите. Премногу често го миете лицето? -Експертите препорачуваат миење на лицето два пати во денот - наутро и навечер. Прекумерното миење на лицето ја нарушува природната бариера на кожата, предизвикува дехидрираност на истата и го нарушува природниот баланс. Доколку имате потреба во текот на денот да го миете повеќе од два пати, секогаш практикувајте тоа да биде со некој нежен сапун или нежна мицеларна вода.

Што е двојно чистење и зашто е важно?!

Еден од најважните работи на кои не научи корејската козметика - секогаш ДВОЈНО ЧИСТЕЊЕ! Носењето на шминка како што има свои предности, така има и огромен број на слабости. Истата навлегува во порите и ги затнува што потоа резултира со акни, иритации, зголемени пори и сл.. Затоа секогаш практикувајте двојно чистење со цел првично да се отсрани нечистотијата од површината на кожата, а потоа длабински да се исчистат порите. Утринската рутина секогаш треба да се започне со чистење на лицето со гел или пена чистач, додека вечерната рутина препорачуваме првично чистење со маслен чистач, проследен со гел или пена чистач.